ABŞ-nin Nyu-Meksiko ştatında yüngülmühərrikli tibbi təyyarə qəzaya uğrayıb.
Hadisə nəticəsində göyərtədəki 4 nəfər həlak olub.
"Associated Press"in məlumatına görə, qəza Ruidoso şəhəri yaxınlığında baş verib.
Yerli rəsmilər təyyarədə olanların heç birinin sağ qalmadığını təsdiqləyib.
Qəzadan sonra ərazidə güclü yanğın başlayıb, alov təxminən 2 hektar ərazini əhatə edib.
Hadisənin səbəbləri araşdırılır, xilasetmə və istintaq qrupları işləyir.
