ABŞ Hərbi Hava Qüvvələri 2023-cü ilin fevralında 500.000 dollarlıq raketlə boyskautların hava şarı olan naməlum uçan obyekti vurub.
Oxu.Az-ın məlumatına görə, "New York Post" qəzeti Pentaqonun anomal hadisələr üzrə keçmiş direktoru Şon Kirkpatrikə istinadən xəbər yayıb.
Hadisə Cənubi Karolina yaxınlığında Çin aerostatının vurulmasından bir həftə sonra baş verib. Bundan sonra hərbçilər hər hansı naməlum obyekti vurmağa başlayıb.
Boyskautlar hava şarını tədqiqat layihəsi üçün buraxıb, lakin o, "AIM-9 Sidewinder" raketi ilə məhv edilib. Raketin qiyməti 500.000 dollar olub.
Xatırladaq ki, fevralın əvvəlində ABŞ Çin aerostatını qeydə alıb və fevralın 4-də vurub. Çin isə bunun meteoroloji zond olduğunu bildirib.
