ABŞ-nin Vaşinqton ştatının Lonqvyu şəhərindəki "Nippon Dynawave Packaging" sellüloz-kağız zavodunda kimyəvi çən partlayıb.
Partlayış nəticəsində 11 işçinin həyatını itirdiyi rəsmən təsdiqlənib. İlkin olaraq iki cəsəd tapılıb, daha sonra itkin düşən doqquz nəfərin axtarışı dayandırılıb.
Hadisədə biri yanğınsöndürən olmaqla 10 nəfər yaralanıb. Çəndə təxminən 900 min qallon (3.4 milyon litr) ağ qələvi məhlulu saxlanılıb.
Mütəxəssislər çəndə hələ də 340 min litrdən çox kimyəvi maddə qaldığını və ərazidə təhlükəli şəraitin davam etdiyini bildirirlər.
