ABŞ rəsmiləri Haitidən yola düşən və içərisində 240 qeyri-qanuni miqrantın olduğu qayığı ələ keçiriblər.
Oxu.Az xəbər verir ki, bu barədə ABŞ Gömrük və Sərhəd Mühafizəsi Xidmətinin rəhbəri Rodni Skott X hesabında məlumat yayıb.
Bu həftə hava patrul agentləri dəniz yolu ilə qanunsuz miqrasiyaya cəhd edən və göyərtəsində Haitidən 240 miqrantın olduğu su nəqliyyatı vasitəsini aşkarlayıblar, - deyə o, paylaşımda qeyd edib. - Həddindən artıq yüklənmiş qayığa su dolurdu və onun batmaq təhlükəsi var idi.
Skott bir daha xatırladıb ki, ABŞ-yə qanunsuz yollarla miqrasiya cəhdləri həm çox risklidir, həm də ölkəyə giriş imkanına heç bir zəmanət yaratmır.
