ABŞ-da avtomobil tullantıları hər saat orta hesabla beş insanın ölümünə səbəb olur. Bu, "International Council on Clean Transportation" (ICCT) təşkilatının hesabatında qeyd edilib.
Hesabata görə, 2024-cü ildə avtomobil çirkliliyi 41.800-dən çox insanın erkən ölümünə səbəb olub.
Uşaqlar xüsusilə təsirlənir. ABŞ-da uşaq astma xəstəlikləri üzrə antirekord qeydə alınıb. Dünyadakı bütün uşaq astma hallarının 10%-i ABŞ-da baş verir.
Həll yolu kimi, 2040-cı ilə qədər benzin və dizel avtomobillərinin elektriklə əvəz edilməsi təklif olunur. Bu, 2050-ci ilə qədər 100.000 ölümün qarşısını ala bilər.
