ABŞ İranla anlaşma memorandumu layihəsinə əsasən, İran neftinin ticarətinə qoyulan sanksiyaları müvəqqəti olaraq ləğv etməyi öhdəsinə götürür.
Oxu.Az bu barədə "Tasnim" agentliyinə istinadən xəbər verir. Agentliyin məlumatına görə, Vaşinqton danışıqlar müddətində müvafiq sanksiyaları donduracaq.
Agentlik həmçinin sazişə doğru ilk addım kimi İranın aktivlərinin bir hissəsinin blokdan çıxarılmasının zəruriliyini qeyd edib. Vurğulanır ki, sənəd imzalanarsa, Hörmüz boğazında gəmilərin hərəkəti ABŞ-nin öhdəliklərini yerinə yetirməsindən asılı olacaq.
"Tasnim"in məlumatına görə, saziş layihəsində boğazın müharibədən əvvəlki vəziyyətinə qaytarılması yox, "keçən gəmilərin sayının 30 gün ərzində müharibədən əvvəlki səviyyəyə qaytarılması" imkanı nəzərdə tutulur.
