ABŞ Prezidenti Donald Tramp administrasiyası İrandakı nüvə materiallarının zərərsizləşdirilməsi və əlaqədar fəaliyyətlər üçün 672 milyon dollar ayırmağa çalışır.
Oxu.Az xəbər verir ki, bu barədə "Fox News" telekanalı mənbəyə istinadən məlumat yayıb.
"Tramp administrasiyası İranın nüvə materiallarının ləğvi, yoxlamaların və verifikasiya tədbirlərinin aparılması, həmçinin nüvə silahlarının yayılmasının qarşısının alınması üçün 672 milyon dollar əldə etməyə çalışır", - deyə məlumatda bildirilir.
Telekanalın həmsöhbətinə görə, vəsait ABŞ Energetika Nazirliyinə ayrılacaq və "İranın nüvə silahı hazırlamaq və ya əldə etmək imkanından məhrum edilməsi" fəaliyyətlərinə sərf olunacaq.
Qeyd edilir ki, bu məbləğ əvvəllər ABŞ mediasının yazdığı 80 milyard dollarlıq əlavə maliyyə paketinə daxildir.
