İran və ABŞ arasında iyunun 19-da müqavilə imzalanarsa, 30 gün ərzində Hörmüz boğazı tamamilə açılacaq.
Bu iddia ilə İranın "Mehr" agentliyi çıxış edib. Mənbələrə görə, ABŞ bir ay müddətində İran limanlarının dəniz blokadasını aradan qaldırmağı və İslam Respublikası ilə sərhəd bölgələrdən öz hərbi kontingentini çıxarmağı öhdəsinə götürür.
Bundan başqa, ABŞ danışıqların yekun mərhələsində İrana qarşı yeni sanksiyalar tətbiq etməmək öhdəliyi götürür. Həmin dövrdə Vaşinqton Yaxın Şərqə yeni hərbi qüvvələr göndərməyəcək. Agentlik bildirir ki, atəşkəs rejimi dərhal və Livan da daxil olmaqla bütün cəbhələrdə qüvvəyə minməlidir.
Razılaşma BMT Təhlükəsizlik Şurasının qətnaməsi ilə təsdiqlənəcək. Tərəflər müqavilənin icrasına nəzarət üçün xüsusi mexanizm yaradılması barədə razılığa gəliblər, lakin mexanizmin detalları açıqlanmayıb.
