ABŞ Maliyyə Nazirliyinin OFAC-ı İrana qarşı sanksiyalar siyahısını genişləndirib. Yeni siyahıya 19 gəmi və bir valyuta mübadilə şirkəti əlavə edilib.
OFAC-ın rəsmi press-relizinə görə, bu addımlar İranın neft və neft-kimya məhsullarının xarici bazarlara daşınmasında iştirak edən gəmiləri əhatə edir. Həmçinin, İran bankları adından gizli maliyyə əməliyyatları həyata keçirən "Ebrahimi and Associates Partnership Company" qara siyahıya salınıb.
Qeyd olunub ki, bu tədbirlər OFAC-ın İranın "kölgə bankçılığı" mexanizmlərini ifşa etmək və beynəlxalq məhdudiyyətlərdən yayınma cəhdlərinin qarşısını almaq məqsədi daşıyır.
