ABŞ administrasiyası İrana məxsus 12 milyard dollarlıq dondurulmuş aktivin sərbəst buraxılacağı ilə bağlı İran mediasındakı xəbərləri təkzib edib.
"Axios" portalının müxbiri Barak Ravid mənbələrinə istinadən bildirib ki, bu məlumatlar həqiqətə uyğun deyil. O qeyd edib: "Bu, icraata əsaslanan razılaşmadır. İran öhdəliklərini tam yerinə yetirməyənə qədər heç bir vəsait blokdan çıxarılmayacaq".
Ravid əlavə edib ki, proses 60 günlük danışıqlar mərhələsi başlamadan əvvəl həyata keçirilə bilməz.
Qeyd edək ki, "Mehr" agentliyi bir müddət əvvəl mənbələrinə istinadən İranın 12 milyard dollarlıq aktivlərinin danışıqların yekun mərhələsi öncə sərbəst buraxılacağını yaymışdı.
