ABŞ Prezidenti Donald Trampın administrasiyası Kubaya qarşı hərbi müdaxilə variantına getdikcə daha çox meyil edir.
"Politico" nəşrinin məlumatına görə, Tramp və komandası ABŞ-nin təzyiq kampaniyasının Kuba rəhbərliyini islahatlara razı salmamasından məyus olurlar. Buna görə də hərbi varianta ciddi yanaşırlar.
Mənbələr bildirir ki, əvvəlcə Vaşinqton sanksiyalar, neft blokadası və İran/Venesuela əməliyyatlarının Havana rəhbərliyini razılaşmaya sövq edəcəyini ümid edirdi. Lakin bu baş tutmayıb.
Məqalədə vurğulanır ki, ABŞ rəsmiləri Kuba inqilabının lideri Raul Kastronun ələ keçirilməsi ehtimalını da nəzərdən keçirirlər.
"Lakin Amerika hərbçiləri müxtəlif variantları araşdırırlar. Mümkün hərbi hərəkətlərin miqyası təkrar olunmayan hava zərbəsindən quru müdaxiləsinə qədər dəyişir" - deyə jurnalist qeyd edib.
Son həftələrdə ABŞ Silahlı Qüvvələrinin Cənub Komandanlığı adaya qarşı hərbi əməliyyat planlarının hazırlanmasına başlayıb.
