ABŞ federal məhkəməsi Donald Trampın H-1B vizalarına tətbiq etdiyi 100 min dollarlıq rüsumu ləğv edib. Məhkəmə bu rüsumu qeyri-qanuni hesab edir və Konqresin buna icazə vermədiyini vurğulayıb.
Hakim Leo Sorokin qərarında bildirib ki, bu ödəniş cərimə deyil, vergi xarakteri daşıyır. Onun sözlərinə görə, Trampın bu vergini tətbiq etmək üçün Konqresdən icazəsi olmayıb.
Qeyd edilib ki, H-1B proqramı çərçivəsində hər il 65 min viza, ali təhsilli işçilər üçün isə əlavə 20 min viza ayrılır. Trampın sərəncamından əvvəl işəgötürənlər adətən 2-5 min dollar arasında ödəniş edirdilər.
Ağ Ev administrasiyası bu qərarın apellyasiya qaydasında ləğv ediləcəyinə əmin olduğunu bildirib.
