ABŞ Enerji İnformasiya İdarəsi (EIA) kommersiya xam neft ehtiyatlarının ötən həftə 4.3 milyon barel azalaraq 452.9 milyon barelə düşdüyünü açıqlayıb. Proqnoz 2 milyon barel azalma idi.
Strateji neft ehtiyatları da 8.6 milyon barel azalaraq 384.1 milyon barelə enib. Benzin ehtiyatları 4.1 milyon barel azalaraq 215.7 milyon barel olub.
Neft istehsalı gündəlik 137 min barel artaraq 13.71 milyon barelə çatıb. İdxal 424 min barel artaraq 5.9 milyon barel, ixrac 742 min barel artaraq 5.49 milyon barel olub.
EIA proqnozuna görə, 2026-cı ildə ABŞ gündəlik orta neft istehsalı 13.65 milyon barel olacaq.
