Vaşinqton administrasiyası Türkiyəyə "F-35 Lightning II" qırıcılarının verilməsi imkanını nəzərdən keçirir. ABŞ vitse-prezidenti Cey. Di. Vens bildirib ki, bu məsələ ilə bağlı Konqreslə iş aparılır.
Vens qeyd edib: "Mən bilirəm ki, Pit Heqset və komanda bu məsələ üzərində çalışır. Amerika qanunvericiliyinin tələblərinə uyğun təsdiqlənməli məqamlar var. Prezident bizə bunu tapşırıb".
Vitse-prezident vurğulayıb ki, məsələ əsasən Konqresin səlahiyyətlərinə aiddir. O izah edib: "Söhbət Türkiyənin F-35 qırıcılarını əldə etmək üçün ABŞ qanunlarına əməl edib-etməməsindən gedir".
