ABŞ və İran arasında münaqişənin dayandırılmasını nəzərdə tutan 14 bənddən ibarət memorandum imzalanıb.
Oxu.Az xəbər verir ki, bu barədə "Reuters" agentliyi ABŞ-lı rəsmilərin sözlərinə istinadən məlumat yayıb.
ABŞ Prezidenti Donald Tramp da Vaşinqton və Tehran arasında qarşılıqlı anlaşma memorandumunun imzalandığını təsdiq edib. "Bəli, o imzalanıb", - deyə Birləşmiş Ştatların rəhbəri Fransa Prezidenti Emmanuel Makronla Versal sarayındakı görüşündən sonra bildirib.
"Mən onu Versalda imzaladım", - deyə Amerika lideri vurğulayıb.
Mətnə görə, yekun müqavilə müddətin uzadılması imkanı ilə birlikdə 60 gün ərzində tam hazır olmalıdır.
"NewsNation" telekanalının amerikalı rəsmiyə istinadən yaydığı məlumata əsasən, memoranduma İran Prezidenti Məsud Pezeşkian da imza atıb. ABŞ və İran arasındakı anlaşma memorandumu Ağ Ev lideri Donald Tramp və İslam Respublikasının rəhbəri Məsud Pezeşkian tərəfindən təsdiqlənib.
"Bazar günü qarşılıqlı anlaşma memorandumu ABŞ-nin vitse-prezidenti Cey Di Vens və İran parlamentinin sədri Məhəmməd Baqir Qalibaf tərəfindən elektron formada imzalanmışdı. İndi isə onu Tramp və Pezeşkian imzalayıblar", - deyə "NewsNation" telekanalının müxbiri Kelli Meyer ABŞ rəsmisinə istinadla məlumat verib.
"Amerika Birləşmiş Ştatları və İran İslam Respublikası arasında İslamabad Anlaşma Memorandumu" adlanan sənədin tam mətni aşağıdakı kimidir:
1. Hərbi əməliyyatların dərhal dayandırılması.
2. Suverenliyə qarşılıqlı hörmət.
3. 60 günlük danışıqlar müddəti.
4. Dəniz blokadasının qaldırılması.
5. Ticarət gəmilərinin sərbəst hərəkəti.
6. 300 milyard dollarlıq iqtisadi plan.
7. Sanksiyaların ləğvi.
8. Nüvə silahından imtina.
9. Status-kvonun qorunması.
10. Neft ixracına icazə.
11. Dondurulmuş vəsaitlərin buraxılması.
12. İcra mexanizminin yaradılması.
13. Danışıqların başlanması.
14. BMT Təhlükəsizlik Şurasının qətnaməsi.
