ABŞ və İran Yaxın Şərqdə gərginliyin azaldılması üçün ilkin razılığa gəliblər. Bu barədə "The New York Times" yüksək vəzifəli ABŞ rəsmisinə istinadən xəbər yayıb.
Razılaşma Hörmüz boğazının açılmasını və Tehranın zənginləşdirilmiş urandan imtinasını nəzərdə tutur. Lakin icra mexanizmi hələ müzakirə olunur. ABŞ Prezidenti Donald Tramp nüvə materialına nəzarətin ələ alınmasında təkid edir.
"The Washington Post" yazır ki, atəşkəsin 60 gün uzadılması və 30 gün ərzində boğazda gəmiçiliyin bərpası planlaşdırılır. Hələ heç bir sənəd imzalanmayıb və İran yekun razılıq verməyib.
İlkin sazişlər hərbi əməliyyatların dayandırılmasını da əhatə edir. ABŞ rəsmiləri çərçivə sazişinin 95% tamamlandığını bildirib. İranın "Tasnim" agentliyi isə yekun razılaşmanın olmadığını vurğulayıb.
"Axios" qeyd edir ki, 60 günlük atəşkəs ərzində boğaz açılacaq, İran neft satışına başlayacaq. Vaşinqton liman blokadasını ləğv edəcək və sanksiyalardan istisnalar tətbiq edəcək.
