ABŞ, nüvə silahı da daxil olmaqla, bütün müdafiə imkanlarından istifadə edərək Yaponiyanı qorumağa davam edəcəyini açıqlayıb.
Bu barədə Tokioda keçirilən Yaponiya-ABŞ genişləndirilmiş dialoqunun yekun bəyanatında bildirilib.
Yaponiya Xarici İşlər Nazirliyinin məlumatına görə, ABŞ nüvə silahı da daxil olmaqla bütün müdafiə imkanları ilə Yaponiyanın müdafiəsinə sadiq olduğunu təsdiqləyib.
Yaponiya isə Amerika qoşunlarına və sülh əməliyyatlarına dəstəyini ifadə edib. Tərəflər regional nüvə təhlükəsi fonunda ABŞ nüvə qüvvələrinin modernləşdirilməsini və Yaponiyanın müdafiə siyasətini müzakirə ediblər.
Tokio, Vaşinqtonu nüvə silahlanması yarışının qarşısını almaq üçün Çin və Rusiya ilə danışıqları fəallaşdırmağa çağırıb. Həmçinin, KXDR-in nüvə proqramı tənqid edilərək tam denuklearizasiya dəstəklənib.
