İnterpolun Monteneqro bölməsi və ABŞ Federal Təhqiqatlar Bürosu (FTB) birgə əməliyyat nəticəsində Kotor şəhərində 39 yaşlı İran və Türkiyə vətəndaşını həbs edib.
Həmin şəxs 2013-cü ildən ABŞ infrastrukturuna kiberhücumlar təşkil edərək 3.4 milyard dollar zərər vurmaqda ittiham olunur.
Monteneqro polisi FTB-nin birbaşa tələbi əsasında əməliyyat keçirib. Şübhəli 150-dən çox Amerika universitetinə hücum edib və oğurlanmış məlumatlar İranın SEPAH və təhsil müəssisələri də daxil olmaqla müxtəlif iranlı istifadəçilərin mənafeyi üçün istifadə edilib.
Hazırda şübhəlinin ABŞ-a ekstradisiyası gözlənilir.
