ABŞ-ın Kolorado ştatında başlarında buynuz və qolçaq kimi qorxunc şişlər olan dovşanlar aşkarlanıb.
"LADbible" nəşrinin məlumatına görə, bu "Frankenşteyn-dovşanları" Şoup papillomavirusuna yoluxub. Virus ağcaqanad və gənə vasitəsilə yayılır, dovşandan dovşana keçmir.
Parklar və Vəhşi Təbiət İdarəsi bildirir ki, xəstəlik yayda daha aktivdir. Şahidlər sosial mediada şok yaşadıqlarını bildiriblər.
Mütəxəssislər deyir ki, əksər hallarda şişlər təhlükəsizdir və öz-özünə yox olur, lakin bəzən xərçəngə çevrilə bilər. Virus insanlar üçün təhlükəsizdir.
