ABŞ-nin Kaliforniya ştatında kitabxanada atışma nəticəsində iki nəfər həlak olub.
"Associated Press" agentliyinin məlumatına görə, hadisə Çiko şəhərindəki Bhyutt dairə kitabxanasının yerli filialında baş verib.
Polis rəisi Billi Oldric bildirib ki, 17:00 radələrində 911-ə zəng daxil olub və hadisə yerinə polis qüvvələri göndərilib.
Polis binaya daxil olanda şübhəli arxa qapıdan qaçmaq istəsə də, saxlanılıb.
"Bu axşam baş verənlər çox kədərli və sarsıdıcıdır", - deyə Oldric qeyd edib.
Hadisə nəticəsində yüngül xəsarət alan bir uşaq xəstəxanaya yerləşdirilib. Polis şübhəlinin kimliyini və motivini hələlik açıqlamayıb.
