ABŞ Daxili Təhlükəsizlik Nazirliyi (DTN) qaçqın statusu almaq üçün müraciətlərdə saxtakarlığa qarşı mübarizə məqsədilə əməkdaşlarının səlahiyyətlərini genişləndirib.
Oxu.Az xəbər verir ki, qurumun bəyanatında bildirilib: hüquq-mühafizə orqanlarının işçiləri artıq sığınacaq istəyənlərin xeyrinə qəsdən yalan məlumat təqdim edən hüquqşünasları təqib edə bilər. Nazirlik həmçinin bu sahədə fırıldaqçılıq sisteminin iştirakçılarının məhkəmədənkənar təqibi üçün imkanları artırıb.
Bəyanatda vurğulanır ki, qurum ABŞ-də sığınacaq verilməsinin müntəzəm deyil, yalnız müstəsna hal olmasına çalışır.
Qeyd edək ki, ABŞ Prezidenti Donald Tramp dəfələrlə immiqrasiya siyasətinin sərtləşdirilməsinin tərəfdarı olduğunu bildirib. O, andiçmə mərasimindən sonra ABŞ-Meksika sərhədində fövqəladə vəziyyət rejimi tətbiq edib. Ağ Ev lideri Birləşmiş Ştatlar tarixində ən genişmiqyaslı qanunsuz miqrantların deportasiyasını həyata keçirməyi planlaşdırdığını bəyan edib.
