Konqo Demokratik Respublikası və Uqandada Ebola virusuna yoluxma hallarının sayı 397-yə çatıb. Bunlardan 63-ü ölümlə nəticələnib.
Xəstəliklərə Nəzarət və Profilaktika üzrə Afrika Mərkəzinin rəhbəri Jan Kaseya bunu təsdiqləyib.
“Son məlumatlara əsasən, 381 yoluxma halı Konqoda, 16 yoluxma halı isə Uqandada qeydə alınıb”, - deyə o bildirib.
Jan Kaseya qeyd edib ki, bu epidemiya mürəkkəbliyinə görə tarixdə dördüncü yerdədir.
Həkimlər yoluxmuş şəxslərlə təmasda olmuş təxminən 10 min nəfəri yoxlayıblar: Konqo DR-də 4 341, Uqandada isə 5 009 nəfər.
Qeyd edək ki, mayın 17-də Dünya Səhiyyə Təşkilatı Konqo və Uqandada Ebola qızdırmasının yayılmasını səhiyyə sahəsində fövqəladə vəziyyət elan edib.
