ABŞ administrasiyası Konqresdən əlavə 87.6 milyard dollar maliyyə vəsaiti ayrılmasını istəyib. Bu məbləğə İranla ehtimal olunan müharibə xərcləri də daxildir.
Oxu.Az xəbər verir ki, bu barədə CNBC telekanalı məlumat yayıb.
Məlumata əsasən, Ağ Evin İdarəetmə və Büdcə İdarəsinin rəhbəri Rassel Vout Nümayəndələr Palatasının spikeri Mayk Consona sorğu göndərib. Sənəddə qeyd olunur ki, Pentaqona sursat alınması və sənaye bazasının gücləndirilməsi üçün 21 milyard dollar lazımdır.
Daha 1.4 milyard dollar Ebola ilə mübarizəyə, 768 milyon dollar isə nüvə və enerji təhlükəsizliyinə yönəldilməlidir. ABŞ fermerlərinə dəstək üçün 10 milyard dollar, Vaşinqtonda bərpa layihələrinə 500 milyon dollar, Nyu-Yorkda bir dəmir yolu vağzalının yenidən qurulmasına isə 1 milyard dollar tələb olunur.
