ABŞ vitse-prezidenti Cey. Di. Vens İranla diplomatik danışıqlarda irəliləyiş olduğunu bildirib.
Vens media nümayəndələri ilə söhbətində danışıqların "olduqca həssas bir proses" olduğunu vurğulayıb.
"Məhsuldar müzakirələr aparmağa çalışdığımız üçün bütün detalları açıqlaya bilmərəm", - deyə o qeyd edib.
Vitse-prezident səhər saatlarında Cared Kuşner, Stiv Uitkoff və ərəb dünyasından bir neçə tərəfdaşla uzun telefon danışığı apardığını açıqlayıb.
"Hesab edirəm ki, uğurlu nəticələrə doğru irəliləyirik", - deyə o vurğulayıb.
Vens əlavə edib ki, prezident Trampın əsas tələbi İranın nüvə silahı əldə etməsinə qəti zəmanətdir.
Xatırladaq ki, fevralın 28-də İsrail İrana qabaqlayıcı zərbə endirib. Daha sonra ABŞ da hərbi əməliyyata qoşulub. İran cavab olaraq İsrailə ballistik raketlər atıb.
Martın 1-də İranın Ali Lideri Əli Xameneinin hücumlar zamanı öldürüldüyü açıqlanıb. İran qonşu ölkələrdəki ABŞ bazalarına raket zərbələri endirib, Hörmüz boğazında gəmiçilik çətinləşib.
Aprelin 8-də Tramp İrana ultimatum vermiş, lakin sonra Vaşinqton ikihəftəlik atəşkəslə razılaşıb. İlk görüş İslamabadda keçirilib, aprelin 22-nə planlaşdırılan ikinci görüş baş tutmayıb.
