Avropa Komissiyası Aİ-yə namizəd ölkələrə tam üzvlükdən əvvəl iqtisadi imtiyazlar verilməsi planı hazırlayır. Bu barədə “Politico” iki mənbəyə istinadən xəbər yayıb.
Mərhələli inteqrasiya adlanan yanaşma ilə namizədlər islahatlar apardıqca üstünlüklər əldə edəcək. Bunlara maliyyə proqramlarında iştirak, güzəştli ticarət və vahid bazara qismən çıxış daxildir.
Hər ölkə üçün fərdi üstünlüklər paketi olacaq. Məqsəd namizədləri islahatlara təşviq etmək və onları Aİ yolunda saxlamaqdır.
Avropa Parlamentinin deputatı Pyatras Auştryaviçyus bildirib: “Daha çox şey müqabilində daha çoxu prinsipi artıq sınaqdan keçirilib və qəbul edilməlidir”.
Planın Aİ paytaxtlarında dəstəklənəcəyi gözlənilir. Liderlər oktyabr və ya dekabrda keçiriləcək sammitdə bu təşəbbüsü təsdiqləyə bilər.
