Almaniyanın Ştade şəhərindəki faciəli atışmanın 45 yaşlı türkəsilli Almaniya vətəndaşı tərəfindən törədildiyi məlum olub.
Lüneburq polis idarəsinin rəhbəri Katrin Şuol mətbuat konfransında bildirib ki, şübhəli Almaniyada doğulub, Hannover bölgəsində yaşayır və Türkiyə köklərinə malikdir.
Atışma nəticəsində həlak olanların hamısı uşaq baxımı mərkəzinin və ya qəyyumluq xidmətinin əməkdaşlarıdır. Şübhəlinin üç aylıq qızı ilə bağlı qəyyumluq mübahisəsi cinayətə səbəb ola bilər. Uşaq və anası hadisə zamanı mərkəzdə olsalar da, xəsarət almayıblar.
