Almaniyada 2036-cı ilə qədər işçi qüvvəsi çatışmazlığının təxminən 4.3 milyon nəfərə çatacağı proqnozlaşdırılır.
Bu barədə "Rheinische Post" nəşri Almaniya İqtisadiyyat İnstitutuna istinadən məlumat yayıb. Institut əvvəlki proqnozlarını mənfi istiqamətdə yeniləyib.
İki il əvvəl pensiyaya çıxmağa hazırlaşan "baby-boom" nəsli ilə əmək bazarına yeni daxil olanlar arasındakı fərq təxminən 2 milyon nəfər olaraq qiymətləndirilirdi. Yeni hesablamalara görə, bu fərq 2036-cı ildə 4.3 milyona çata bilər.
Mütəxəssislər bunu əhalinin qocalması, miqrant axınının azalması və demoqrafik geriləmə ilə izah edirlər. İqtisadi artımın zəifləməsi də miqrantların Almaniyaya marağını azaldır.
