Bavariyanın Lam icmasında yerləşən "Zum Hirschen" hoteli israilli bir cütlüyü "Yəhudilər buraxılmır" ifadəsi ilə yerləşdirməkdən imtina edib.
Hadisə "Bild" nəşrinə istinadən yayılıb. Cütlük Münhendəki İsrail Baş Konsulluğuna və Booking.com portalına şikayət edib.
Portal hoteldən təsdiq aldıqdan sonra onu bronlaşdırma sistemindən çıxarıb.
İsrailin Münhendəki baş konsulu Talya Lador-Freşer: "Doğrudanmı 1930-cu illərə qayıtmışıq?", - deyə qəzəblənib.
Münhen Prokurorluğu nifrət qızışdırma şübhəsi ilə cinayət işi açıb. Hotel rəsmiləri üzr istəyərək, saxta bronlaşdırma və fişinq cəhdlərini bəhanə edib.
Menecer qalmaqaldan sonra hədə-qorxu mesajları aldığını bildirib və sorğunu dələduzluq kimi qiymətləndirdiklərini söyləyib.
Mübahisəyə baxmayaraq, israilli cütlük Yuxarı Pfaltsda bir həftə pulsuz qonaq olmağa dəvət edilib.
