Almaniyanın Görlits şəhərində məişət qazının partlaması nəticəsində çoxmənzilli yaşayış binası tamamilə dağılıb.
"Bild" nəşrinin məlumatına görə, sakinlər güclü partlayış səsi eşidiblər. Bina uçaraq tarixi tikililər arasında böyük boşluq yaradıb.
Polis və xilasetmə xidmətləri dağıntılar altında beş nəfərin qaldığını ehtimal edir.
Hadisə yerinə yanğınsöndürənlər, polislər, ağır texnika və xüsusi itlər cəlb olunub. Mer Oktavian Ursu bildirib ki, partlayışın qaz sızması səbəbindən baş verdiyi ehtimal edilir.
Ərazidəki kommunal xətlər dayandırılıb, yaxınlıqdakı üç binanın sakinləri təxliyə edilib.
