Almaniyanın qərbində isti hava şəraiti fonunda keçmiş sursat poliqonunda meşə yanğını baş verib.
Yanğın səbəbindən Trayzen bələdiyyəsinin bütün sakinləri təxliyə edilib.
Oxu.Az "Tagesschau" nəşrinə istinadən xəbər verir ki, təxminən 650 nəfər köçürülüb.
Yanğın iyunun 27-də günorta saatlarında başlayıb. Alov üç hektara yaxın əraziyə yayılıb.
Sakinlər qonşu bələdiyyənin idman kompleksində yerləşdirilib.
Yanğın əvvəllər döyüş sursatlarının utilizasiya edildiyi təbiət qoruğunda baş verib. Köhnə sursatlar partlamağa başlayıb və bu da fövqəladə xidmətlərin işini çətinləşdirib.
