Antarktida buzlaqlarında ulduz partlayışlarından qalan radioaktiv toz aşkar edilib. Alimlər deyir ki, bu kəşf Günəş sisteminin keçmişinə işıq salır.
"Space.com" elmi portalının məlumatına görə, tədqiqatçılar Antarktida buzlarında dəmir-60 izotopu tapıblar. Bu izotop supernova partlayışlarının "barmaq izi" hesab olunur.
Alim Dominik Koll bildirib: "Əgər dəmir-60 toz hissəcikləri şəklində kondensasiya olunursa, Günəş sisteminin müdafiə qatını yararaq Yerə çata bilər".
Tədqiqat qrupu 40-80 min illik 300 kq buz nümunəsini analiz edib. Mütəxəssislər sürətləndirici kütlə spektrometriyası ilə izotop atomlarını sayıblar.
