Almaniya Meteorologiya Xidməti (DWD) ardıcıl üçüncü gündür temperatur rekordları qeydə alır.
İyunun 28-də Brandenburq əyalətinin Koşen yaşayış məntəqəsində termometrlər 41.7 dərəcə göstərib.
Əvvəlki günlər də rekordlarla yadda qalıb: Saarbrükkendə 41.3, Drevitsdə isə 41.5 dərəcə qeydə alınıb.
Meteoroloq Karsten Brandt deyir ki, bu son hədd deyil – temperatur daha da yüksələ bilər.
İyunun 28-nə keçən gecə Almaniyada tarixin ən isti gecəsi olub: Şərqi Saksoniyada 29.4 dərəcə.
Vyana da rekord qırıb: iyunun 28-də hava 40 dərəcəyə çatıb. Əvvəlki rekord 2013-cü ildə 39.5 dərəcə idi.
Polşanın Torun şəhərində isə 40.3 dərəcə qeydə alınıb – 1921-ci ildən bəri ən yüksək göstərici.
