12 iyundan etibarən Avropa İttifaqında yeni miqrasiya və sığınacaq paktı tətbiq olunur.
"Kommersant" nəşrinin məlumatına görə, sığınacaq almaq çətinləşəcək, uğursuz cəhdlərdə isə ölkədən çıxarılma sürətlənəcək.
Humanitar müdafiə hüququ olmayanlar artıq illərlə müavinət ala bilməyəcək. Ərizələrin bir hissəsi Aİ-yə girişdən əvvəl yoxlanılacaq.
Avropa Komissiyasının komissarı Maqnus Brunner bildirib: "Yeni qaydalar sayəsində Aİ-yə kimin daxil olacağı, kimin qalacağı və kimin geri dönəcəyi üzərində daha sıx nəzarət quracağıq. Avropada asayişi bərpa edirik."
2024-cü ildə qəbul edilən tarixi sənəd miqrasiya sistemini dəyişir. Brüssel "qaytarılma habları"nın - xarici mərkəzlərin yaradılmasını müzakirə edir.
2015-2025-ci illərdə 8.6 milyondan çox insan sığınacaq üçün müraciət edib. İfrat sağ qüvvələr miqrantlara qarşı mübarizənin gücləndirilməsinə çağırır.
