BAEA-nın baş direktoru Rafael Qrossi bildirib ki, Qazaxıstan İranın zənginləşdirilmiş uranını qəbul etməyə hazırdır. Bu, Tehran və Vaşinqton arasında nüvə razılaşmasından sonra mümkün olacaq.
“Financial Times”a müsahibəsində Qrossi qeyd edib ki, Qazaxıstanda BAEA-nın Aşağı Zənginləşdirilmiş Uran Bankı fəaliyyət göstərir. Bu, İranın uranının təhlükəsiz saxlanması üçün ideal yerdir.
Zənginləşdirilmiş uranın İrandan çıxarılması, ABŞ və İran arasında danışıqların əsas mövzularındandır. Bu addım hərbi əməliyyatların dayandırılması üçün şərt kimi irəli sürülür.
