Rusiyalı qastroenteroloq Olqa Çistik bananların yuyulmasının vacibliyini vurğulayır.
Çistik, Lenta.ru-ya müsahibəsində bildirib ki, bananlar mağazalara çatdırılarkən fungisid və pestisidlərlə emal olunur. Bu kimyəvi maddələrin bir hissəsi qabıqda qalır.
Həmçinin, banan qabığında bağırsaq çöpü, salmonella, listeriya və parazit yumurtaları ola bilər. Meyvəni soyarkən mikroblar barmaqlara və bıçağa keçərək meyvənin lətinə çatır.
Sağlam immunitetli insanlar üçün təhlükə az olsa da, uşaqlar, hamilə qadınlar və yaşlılar risk altındadır. Çirkli banan yemək qida infeksiyalarına, zəhərlənmələrə və kəskin qastroenteritə səbəb ola bilər.
Həkim, bananları yeməzdən əvvəl 20-30 saniyə soyuq axar suda yumağı, zəruri hallarda isə yumşaq fırça ilə təmizləməyi tövsiyə edir. Sabun istifadə etmək lazım deyil.
