Tailandın paytaxtı Banqkokda hava şəraiti sakinlər üçün təhlükəli həddə çatıb. Rəsmi məlumatlara görə, istilik indeksi 52 dərəcə Selsiyə yüksəlib. Bu göstərici yalnız havanın faktiki temperaturunu deyil, həm də rütubəti nəzərə alır.
Bangkok meriyası vətəndaşları xəbərdar edib: uzun müddət açıq havada qalmaq sağlamlıq üçün ciddi təhlükə yarada bilər. Faktiki temperatur 36 dərəcə olsa da, yüksək rütubət hiss olunan istiliyi dözülməz edir.
Səlahiyyətlilər sakinlərə günvurma hallarında dərhal həkimə müraciət etməyi tövsiyə edir. Aprel ayı Tailandda ən isti aylardan biridir.
Oxşar mövzular: isti hava, Tailand, ekstremal hava.
