Birləşmiş Ərəb Əmirliklərində (BƏƏ) "Barakah" Atom Elektrik Stansiyasının (AES) yaxınlığında PUA hücumu ilə yanğın baş verib.
Əbu-Dabi hökumətinin mətbuat xidməti "X" sosial şəbəkəsində bildirib ki, yanğın stansiyanın xarici perimetrindəki elektrik generatorunda başlayıb və dərhal söndürülüb.
Hadisə nəticəsində xəsarət alan olmayıb, radiasiya fonu normaldır. Nüvə Tənzimləmə Komissiyası yanğının stansiyanın təhlükəsizliyinə təsir etmədiyini təsdiqləyib.
Hücum edən PUA-nın mənsubiyyəti açıqlanmayıb. Daxili İşlər Nazirliyi mayın 17-də hava təhlükəsi elan edilmədiyini bildirib.
