Birləşmiş Ərəb Əmirlikləri (BƏƏ) sahillərində bir ticarət gəmisi ələ keçirilib. Gəmi hazırda İran istiqamətində hərəkət edir.
Oxu.Az xəbər verir ki, Böyük Britaniya Krallıq Donanmasının Dəniz Ticarət Əməliyyatları Mərkəzi (UKMTO) bu barədə məlumat yayıb.
UKMTO, BƏƏ-nin Fujayra şəhərindən 38 dəniz mili (təxminən 70 km) şimal-şərqdə hadisənin baş verdiyini bildirib.
Gəmi şirkətinin təhlükəsizlik nümayəndəsi qeyd edib ki, layner lövbər saldığı yerdə ələ keçirilib və İranın dəniz sərhədlərinə doğru istiqamətlənib.
Hadisə ilə bağlı əlavə təfərrüat açıqlanmayıb. Araşdırmalar davam edir.
