Belçika, F-35 qırıcıları üçün 700 milyon avro dəyərində raket və PUA alır.
Müqavilələr Avropa və ABŞ müdafiə şirkətləri arasında bölüşdürüləcək. Xüsusilə, ABŞ-Norveç birgə istehsalı olan AGM-184 qanadlı raketləri (350 km mənzil) alınacaq.
Bu raketlər Belçikaya düşmən HHM zonasına girmədən uzaqdan zərbə endirməyə imkan verəcək.
Qeyd edək ki, Belçika 2018-ci ildə 34 ədəd F-35 alıb və əlavə 11 təyyarə üçün müqavilə hazırlayır. İlk üç qırıcı 2025-ci ilin sonunda təhvil alınıb.
Müdafiə naziri Teo Franken bildirib ki, F-35lər gəldikcə köhnə F-16lar Ukraynaya veriləcək.
