Belçikada hava dispetçerlərinin qəfil tətilə başlaması hava nəqliyyatını tam iflic edib. Brüssel Beynəlxalq Aeroportunun mətbuat xidməti rəsmi açıqlama yayıb.
Bildirilib ki, bütün aviaşirkətlər çərşənbə axşamı saat 12:00-dan 19:00-dək (Bakı vaxtı ilə 14:00-21:00) planlaşdırılan uçuşları ləğv etmək məcburiyyətində qalıb.
Hava limanının elektron lövhəsində bütün reyslərin qarşısında "ləğv edilib" statusu qeyd olunub. Brüsselə enməli olan təyyarələr qəbul edilmir və qonşu ölkələrin hava limanlarına yönləndirilir.
