Qərbi Nil virusu Almaniyanın paytaxtı Berlində ciddi şəkildə yayılmağa başlayıb. Bu barədə "Şarite" klinikasının alimləri məlumat yayıb.
Mütəxəssislər 24 000 ağcaqanadı tədqiq edib və 2023-cü ildə onların 6%-nin virus daşıdığını müəyyənləşdirib. Bu göstərici Cənubi Avropadakı səviyyəyə bərabərdir.
Virus parklarda, qəbiristanlıqlarda və bağ sahələrində aşkarlanıb. Quşlar virusun yayılmasında əsas rol oynayır.
Yoluxanların əksəriyyətində simptom yoxdur. Lakin hər beş nəfərdən birində qripəbənzər simptomlar, 1%-də isə meningit inkişaf edir. Yaşlılar risk qrupundadır.
Virusoloqlar real yoluxma sayının açıqlanan rəqəmlərdən 100 dəfə çox ola biləcəyini deyir. İqlim dəyişikliyi səbəbindən xəstələnmə sayının artacağı gözlənilir.
