"Blue Origin" şirkətinin "New Glenn" raketi Florida ştatının Kanaveral burnunda sınaq zamanı partlayıb. Hadisə yerli vaxtla cümə axşamı saat 21:00-da baş verib.
Şirkət "X" hesabında anomaliyanı təsdiqləyib. Sahibi Ceff Bezos işçilərin təhlükəsiz olduğunu bildirib. Partlayışın səbəbi hələlik məlum deyil.
Güclü partlayış səbəbindən ətraf sakinlər evlərində titrəmələr hiss ediblər. Yerli hakimiyyət yanacaq sızması təhlükəsi olmadığını deyib.
Sınaq "New Glenn"in qarşıdakı həftələrdəki buraxılışına hazırlıq məqsədilə aparılıb. Ziyanın miqyası hələ müəyyənləşməyib.
