Almaniyanın Bitburq şəhərində İkinci Dünya müharibəsi dövrünə aid yeddi bomba aşkar edilib. Sursatlar ABŞ istehsalıdır və zərərsizləşdirilib.
“Tagesschau” nəşrinin məlumatına görə, tikinti işləri zamanı 125 kiloqramlıq bir bomba və altı ədəd 30 kiloqramlıq mərmi tapılıb. Bütün bombalar ABŞ mənşəlidir.
Zərərsizləşdirmə əməliyyatına 100-ə yaxın mütəxəssis cəlb olunub və bir saat davam edib. Təhlükəsizlik məqsədilə 300 metr radiusda yaşayan 200 sakin evakuasiya edilib.
