BMT-nin Ərzaq və Kənd Təsərrüfatı Təşkilatı (FAO) xəbərdarlıq edib ki, Hörmüz boğazında gəmi hərəkətinin məhdudlaşdırılması altı ay ərzində qlobal ərzaq böhranına səbəb ola bilər.
FAO-dan bildiriblər ki, fermerlər və hökumətlər tərəfindən gübrə istifadəsi, idxal, maliyyələşdirmə və bitki seçimi ilə bağlı qərarlar bu ilin sonu və ya 2027-ci ilin əvvəlində ərzaq qiymətlərinin kəskin artımını müəyyən edəcək.
Aprel ayında ərzaq qiymət indeksi üç ayda ikinci dəfə yüksəlib. Buna yüksək enerji qiymətləri və Yaxın Şərqdəki münaqişə səbəbindən Hörmüz boğazında gəmi keçidindəki problemlər təsir edib.
Fəsadlar mərhələli şəkildə özünü göstərəcək: əvvəlcə enerji daşıyıcıları, sonra gübrə və toxum qiymətləri artacaq, ardınca aqrar ölkələrdə məhsuldarlıq azalacaq. Nəticədə dünya ərzaq inflyasiyası riski ilə üzləşir.
