BMT-nin Ərzaq və Kənd Təsərrüfatı Təşkilatı (FAO) dünyada hər il təxminən bir trilyon dollarlıq ərzaq itirildiyini və ya tullantıya çevrildiyini açıqlayıb.
Qlobal ərzaq istehsalının üçdəbiri itirilir və ya tullantıya çevrilir. Bu miqdar bir il ərzində 1.26-1.3 milyard insanı qidalandırmağa kifayət edər.
İstehsal və logistika mərhələsində 14% ərzaq itirilir (400 milyard dollar), istehlak mərhələsində isə 17% tullantıya çevrilir. Ümumi iqtisadi zərər 936 milyard dollardır.
Hesabatda ət istehsalının son onilliklərdə iki dəfə artdığı, quş əti istehsalının altı dəfə yüksəldiyi qeyd olunub. Asiya istehsalda liderdir, adambaşına düşən istehsalda isə Şimali Amerika öndədir.
