ABŞ-nin şimal-şərqində sakinlər şənbə günü Boston səmasında meteorun parçalanması nəticəsində güclü partlayış səsi eşidiblər.
NASA "X" sosial şəbəkəsində bildirib ki, NOAA-nın GOES-19 peyki mayın 30-da yüksək səslə parlaq bolid qeydə alıb.
Meteor 40 mil yüksəklikdə partlayıb və ayrılan enerji 300 ton trotilə bərabər olub.
"The New York Times" yazır ki, gurultu sosial şəbəkələrdə nüvə zərbəsi və yadplanetlilərlə bağlı fərziyyələrə səbəb olub.
Boston polisi çoxsaylı zənglər alıb və hadisəni araşdırmaq üçün əməkdaşlarını Brayton rayonuna göndərib.
Amerika Meteor Cəmiyyətinin icraçı direktoru Karl V. Hergenroter bildirib ki, buludlu hava səbəbindən sakinlər meteoru görə bilməyiblər.
