Böyük Britaniya Avropa İttifaqı (Aİ) ilə geniş miqyaslı müqavilə bağlamaq üçün iqtisadi inteqrasiya və ticarət siyasətində daha çevik olmalıdır.
Avropanın "Politico" qəzeti mənbələrə istinadən xəbər verir ki, London əsas mövqelərini dəyişməsə, inqilabi yeniliklər gözlənilmir.
Bir avropalı diplomat qeyd edib: "Leyboristlər hökuməti cəsarətli addımlar atmır. Əks halda, hər kəs xəyal qırıqlığına uğrayacaq və deyəcək: 'Brüssel bizi cəzalandırır'."
Tərəflərin iyulda görüşü planlaşdırılır. Miqrasiya statistikası və gənclərin mobilliyi müzakirə olunacaq. Avropa Parlamentinin sədri Roberta Metsola da əlaqələrin bərpasını dəstəkləyir.
Xatırladaq ki, Brexit referendumu 2016-cı ildə keçirilib. 2020-ci ilin fevralında Britaniya rəsmən Aİ-dən ayrılıb. Dekabrda isə post-Brexit ticarət müqaviləsi imzalanıb.
