Böyük Britaniyanın 'Radio Caroline' radiostansiyası texniki səhv nəticəsində Kral III Çarlzın ölüm xəbərini yayıb.
Oxu.Az xəbər verir ki, bu barədə 'The Independent' qəzeti məlumat yayıb.
Yanlış xəbərin efirə getməsindən sonra radiostansiya 15 dəqiqəlik yayımı dayandırıb. Daha sonra aparıcılar efirə qayıdaraq səhvə görə üzr istəyiblər.
Onların sözlərinə görə, elan 'kompüter xətası' səbəbindən yayımlanıb: radioda monarxın ölüm halı üçün əvvəlcədən hazırlanmış proqram təsadüfən işə düşüb.
'Radio Caroline'in rəhbəri Piter Mur sosial şəbəkələrdə Kral III Çarlzdan və dinləyicilərdən üzr istəyib.
Qeyd edək ki, III Çarlz 2022-ci il sentyabrın 8-də kraliça II Elizabetin vəfatından sonra taxta çıxıb. Tacqoyma mərasimi isə 2023-cü il mayın 6-da Londondakı Vestminster abbatlığında keçirilib.
