London icmasından olan 54 yaşlı keçmiş imam, dindarlara qarşı zorakılığa görə ömürlük həbs cəzasına məhkum edilib.
Oxu.Az-ın xəbərinə görə, bu barədə "NDTV World" telekanalı məlumat verib. Nəşrin məlumatına əsasən, şübhəli qəsdən ona hörmət edilən və sözlərinə etibar edilən çevrələrdən qızları seçib.
O, zərərçəkənlərlə gizli yerlərdə və ya onların evlərində görüşüb. "Ritual" zamanı özünü içinə cin girmiş kimi aparıb və sonra onlara təcavüz edib. Qurbanlar inanırdı ki, zorakılıqdan xəbər tutsalar, onlara qara sehr vasitəsilə zərər veriləcək.
Ümumilikdə 21 nəfər zərər çəkib, ən kiçik qız isə 12 yaşında olub. Hüquq-mühafizə orqanları cinayətləri yalnız 2018-ci ildə bir qızın məktəbdə müəllimə məlumat verməsindən sonra öyrənib. İmam iddia edirdi ki, qurbanlar hekayələrini qisas məqsədilə uydurublar.
Kişi ömürlük həbs cəzasına məhkum edilib və yalnız 20 ildən sonra vaxtından əvvəl azadlığa buraxılma üçün müraciət edə bilər.
