Meksikadan havaya qalxan təyyarənin qanadında canlı siçovul görüntüləndi. Video sosial şəbəkələrdə sürətlə yayılır.
Meksikalı bloqer Raul Qutierres tərəfindən paylaşılan görüntülərdə siçovul buludlar üzərində uçan təyyarənin flaplarına yapışaraq qalmağa çalışır.
Bloqer zarafatla 'Meksikadan qaçan bu sərnişinin adını bilən varmı?' deyə şərh edib.
İnternet istifadəçiləri siçovulun taleyi ilə bağlı narahatlıq və zarafatlar edir. Mütəxəssislər isə gəmiricilərin təyyarələrə zərər verə biləcəyini bildirir.
Hələlik təyyarənin hansı aviaşirkətə məxsus olduğu və siçovulun taleyi məlum deyil. Video milyonlarla baxış toplayıb.
